Og lækkar þá eldsneytið?????????

Gaman gæti verið að sjá hvort við fáum lækkanir á eldsneyti og kannski yfirlýsingar frá þeim sömu og gögguðu hvað hæst um daginn þegar evran komst í isl.kr.123.-  Bíðum og sjáum hvað setur, evran komin niður í kr.113.-og lækkandi...

Krónan styrktist umtalsvert

Bílstjórar mótmæla....hverju mótmæla þeir??

Heldur finnst mér svör forsvarsmanna bílstjóra vera farin að þynnast upp á síðkastið þegar þeir eru spurðir hverju þeir séu að mótmæla þessa dagana.  Í upphafi þessara mótmæla virtust þeir fyrst og fremst vera að mótmæla háu eldsneytisverði, okri eins og þeir sögðu en tóku svo jafnframt fram að mótmælin beindust einnig að ákveðnum lögum um bílstjóra sem þeir vildu fá felld úr gildi.  Almenningur snerist strax á sveif með bílstjórunum enda ekki á hverjum degi sem almennileg mótmæli fara fram á íslandi hvað þá á götum úti á eiturspúandi gljáfægðum trukkum með krómuðum loftlúðrum sem þeittir eru í sífellu.  Töluvert spennandi mál.  Síðan mótmæli þessi hófust tóku að berast upplýsingar um að eldsneyti væri ekki dýrast á íslandi og álögur ríkisins ekki þær hæstu í heimi þó háar séu.  Á norðurlöndunum er eldsneytisverð mjög svipað og á íslandi og eftir nýjustu fréttum að dæma þá eru álögur íslenska ríkisins síst meiri en í nágrannalöndum okkar og vist eitthvað minni en sumstaðar í þeim löndum sem við berum okkur saman við.  Það er nú það!!  Eru kannski bílstjórarnir að mótmæla því að á þá voru sett lög um hvíldartíma  og eftir þeim þurfa þeir að fara.  Eiga bílstjórar kannski að vera undanþegnir því að fara að lögum?  Vissulega eru aðstæður á íslandi aðrar en víðast hvar í evrópu og vel getur verið að laga þurfi þær að íslenskum staðháttum.  Mér er spurn; eru mótmælin kannski eingöngu til að þóknast þeim örfáu bílstjórum sem lögin um hvíldartíma eiga við og væri kannski betra að setjast niður og ræða málin og ræða við þá sem um þessi mál fjalla hjá evrópusambandinu.  ERU MÓTMÆLIN Á MISSKILNINGI BYGGÐ????

KOMIN Á STJÁ Á NÝ

Jæja, þá er kallinn kominn með nýja tölvu eftir að hafa strandað þeirri gömlu á Tenerife.  Ekki er það nú eina ástæða bloggleysis hjá mér heldur þurfti ég að fara í aðgerð og bloggstuðið var nákvæmlega ekki neitt.  Ligg reyndar enn inni á sjúkrahúsi en eitthvað kallaði bloggið á mig svo ég er sestur við glænýja tölvu og fíla mig bara vel liggjandi hér inni á Borgarspítala(Landspítala Háskólasjúkrahúsi Fossvogi) eins og stofnunin heitir réttu nafni.  Hlakka til næstu daga að viðra mig og skoðanir mínar á hinu ágæta moggabloggi.

Hin sjálfstæða Ingibjörg Sólrún

Hvar er þessi sjálfstæða utanríkisstefna sem Ingibjörg Sólrún boðaði?? Hér segist hún ekki ætla að skera sig úr, hvað þýðir það??  Evrópusambandið sem hún dýrkar og dáir og á að vera lausn á öllum málum er margklofið í þessu máli!!  Hvað ætlar Ingibjörg Sólrún að gera??  Svar óskast!

 

Norðurlönd undirbúa að viðurkenna Kosovo

Pólverjar og annað gott fólk

Ég hlustaði á viðtal við Bubba nú vikunni sem er að líða, viðtal sem tekið var í tilefni tónleika sem hann stendur fyrir nú í næstu viku.  Bubbi sagði að ástæða þess að hann léti í sér heyra væri meint útlendingahatur, stofnun einhverrar síðu gegn útlendingum(Pólverjum) og honum fyndist málið komið á alvarlegt stig. Uppspretta þess ástands sem er að skapast er að mínu viti fáfræði og barnaskapur þeirra sem hæst láta.  Bubbi talaði um að foreldrar þyrftu að setjast niður með börnum sínum (og unglingum) og ræða málin, fá þau til að tjá sig og fræða þau um málið.  Þarna held ég að Bubbi hafi hitt naglann á höfuðið eins og oft áður.  Það að setjast niður í rólegheitunum og ræða málin við unga fólkið er eitthvað sem of lítið er gert af að mínu mati. Heyra skoðanir þeirra er erfa skulu land, leiðrétta ef þarf en umfram allt ræða málin.  Það að setja alla útlendinga undir sama hatt er álíka heimskulegt og að setja alla íslendinga undir sama hatt, þeir eru vitaskuld misjafnir eins og við.  Ég hef kynnst Pólverjum sem hingað eru komnir til að vinna og eru þeir upp til hópa ákaflega kurteisir og duglegir. Ég skal alveg viðurkenna að ég er örlítið kvíðinn vegna þess atvinnuástands sem virðist vera að skapast.  Nú er fleira fólk að leita sér að vinnu en áður því einhver fyrirtæki hafa verið að fækka fólki og eins hafa stór verk klárast, þar losnar um mannskap bæði íslendinga og útlendinga.  Á þessum tíma fyrir ári gekk lítið að fá fólk í  vinnu en nú getur maður valið úr fólki. Á mínum vinnustað er ekki gerður greinarmunur á því hvaðan þú kemur er laun eru ákvörðuð, þ.e. ekki er ódýrara að ráða útlending í vinnu.  Þar kemur mergur málsins, ef ég þarf að velja á milli íslendings annars vegar og t.d. pólverja hins vegar til að sinna verkamannavinnu er valið auðvelt, ég réði pólverjann!! Kurteisan, stundvísan og vinnusaman sem kominn er til fjarlægs lands eingöngu til að vinna og vill sanna sig. Á móti get eg nefnt ungan íslending sem á erfitt með að vakna á morgnana, hugsar sem svo " ef ég stend mig ekki hér þá fer ég bara annað".  Því miður virðist þessi hugsunarháttur vera orðinn mjög algengur meðal ungra íslendinga því þeir þekkja ekkert annað en næga vinnu sé að fá og tryggð við vinnuveitandann skipti engu máli.  Ég hef fengið til vinnu 18 ára einstakling sem hafði verið á vinnumarkaði í tvö ár, á skattkorti þessa einstaklings voru stimplar 19 fyrirtækja, þ.e. hann hafði unnið og hætt eða verið rekinn frá 19 fyrirtækjum á tveimur árum.  Ég ræddi þetta við hann en honum fannst þetta lítið mál. Ég kvíði því þegar þessir ungu menn fara að ganga um atvinnulausir en Pólverjarnir eru í vinnu eingöngu vegna eigin verðleika ekki vegna þess að ódýrara sé að hafa þá í vinnu.  Þá er hætta á að upp á yfirborðið komi ósætti og jafnvel kynþáttahatur.  Við þessu þarf að bregðast og er Bubbi gott dæmi um mann sem ryður brautina, braut fræðslu og fordómaleysis.

Uppsagnir yfirvofandi-slæmar fréttir af bönkum

Þessi frétt er einkar athyglisverð fyrir þær sakir að það er ekki oft sem Jón Ásgeir tjáir sig og ég held að menn ættu að leggja við hlustir þegar þessi jaxl talar.  Hann talar tæpitungulaust og á mannamáli.  Í viðtalinu bendir hann á að væntanlega munum við sjá uppsagnir í bönkunum því staða þeirra sé verri en látið sé í veðri vaka.  Hann talar líka um að ekki þýði að stinga höfðinu í sandinn gagnvart vandamálunum heldur verði að taka á þeim.  Skrýtið að þessi frétt skuli ekki hafa vakið meiri athygli. Ég bíð spenntur eftir viðtalinu við hann í heild sinni sem ku birtast á mánudaginn.

Jón Ásgeir: Staðan verri en talið er

Manchester United sterkasta liðið!!

Það leyndi sér ekki í þessum leik hvaða lið er það sterkasta á Bretlandseyjum og þó víðar væri leitað.  Mörgum brá í brún er kom í ljós hvaða menn hvíldu í leiknum en það sannaðist bersýnilega að hópurinn allur er rosalega sterkur og stór.  Þá má ekki gleyma því að hlutur stjórans er stór og kóngurinn á Trafford er ótrúlegur og hann virðist hafa meira og meira gaman að þessu með hverju árinu sem líður.   Ég hef sagt það áður að stigin sem skilja liðin að í deildinni verða fljót að hverfa þegar okkar menn  sýna sitt rétta andlit.  Það er bjart framundan hjá okkur Manchester mönnum.

Alex Ferguson: Stórkostleg frammistaða

Sjálfstæðiflokkurinn í borginni í vörn-aðstoð óskast.......

Borgarstjórnarflokkur Sjálfstæðisflokksins þarfnast hjálpar nú þegar, ekki bara VÞV heldur flokkurinn í heild sinni.  Dag eftir dag læta þau ekki ná í sig eða vilja ekki tjá sig um einföldustu hluti, menn og málefni.  Flokkurinn spilar stífan varnarleik en það er ekki nóg því vörnin er hriplek og fyrirliðinn er ekki viss um það sjálfur hvort hann sé í standi til að spila.  Það kann ekki góðri lukku að stýra og greinilegt er að það er ekki samstaða um hver sé varafyrirliði, hver taki við keflinu þegar fyrirliðinn yfirgefur völlinn.  Fyrir utan það að það er hundleiðinlegt að fylgjast með liði sem leggst í vörn þá vita það allir að sú aðferð er ekki líkleg til árangurs.  Andstæðingurinn er alltaf í sókn, hversu illa sem hann spilar . hefur hann alltaf yfirhöndina.  Á pappírnum virkar lið Sjálfstæðisflokksinsn firnasterkt með hæfilega blöndu yngra fólks og eldra, reynslulitlir með reynsluboltum, hin fullkomna uppskrift því þarna eru líka mjög frambærilegar konur sem virkuðu fyrir síðustu kosningar tilbúnar í slaginn.

Það verður að seigjast eins og er að í ölduróti undanfarinna vikna virðist enginn tilbúinn til að axla ábyrgð, stíga fram og tjá sína skoðun og fara að haga sér eins og fullorðnum stjórnmálamönnum sæmir, við kjósendur SJÁLFSTÆÐISFLOKKSINS eigum heimtingu á því.  Ef enginn rífur sig upp úr meðalmennskunni, VÞV tekur ekki ákvörðun þá kalla ég hér með eftir afskiptum forystu flokksins. Geir og Þorgerður þurfa virkilega að grípa í taumana.  Ástandið í borginni er virkilega farið að laska flokkinn á landsvísu og ef ekkert verður að gert blæðir honum út.  Borgarbúar hafa það á tilfinningunni að enginn tími gefist til að stjórna borginni, allur tími og kraftur fari í innanflokksátök og að standa vaktina í hriplekri vörninni.  Sóknarfærin eru fjölmörg fyrir flokkinn en enginn virðist þess umkominn að hætta þessu pukri og aumingjaskap og drífa sig og flokkinn í sóknina og fara að skora mörk.  Einu mörkin sem Sjálfstæðisflokkurinn í borginni hefur skorað upp á síðkastið eru sjálfsmörk og við svo búið má ekki standa lengur.  Við Sjálfstæðismenn erum orðnir virkilega áhyggjufullir enda benda skoðanakannanir til þess að við séum í vanda á landsvísu en meinið er borgarstjórnarflokkurinn í Reykjavík.  Þrátt fyrir að ýmislegt megi út á þessar kannanir setja varðandi framkvæmd þeirra þá gefa þær að ég held vísbendingu um að fólki líst ekki á ástandið og aðgerðaleysið (aumingjaskapinn).

Hvað gerir DAVÍÐ ODDSSON í dag??

Það er misjafnt hversu vel mönnum líður í sviðsljósinu, það er nokkuð ljóst.  Davíð fór í Seðlabankann til þess að því að sumir seigja að eiga "áhyggjulaust ævikvöld".  Upp á síðkastið hefur Seðlabankinn og aðgerðir hans verið persónugerðar upp á einn mann, nefnilega  Davíð Oddsson.  Menn spyrja ; lækkar Davíð vexti? Hvað gerir DAVÍÐ á næsta vaxtabreytingadegi og ekki síst hefur Davíð einn verið gerður ábyrgur fyrir verðbólgunni, ekki Seðlabankinn, ekki bankarnir, ekki stjórnvöld. ekki almenningur sem eyðir sem aldrei fyrr og allt á yfirdrætti eða kreditkorti, nei DAVÍÐ ODDSSON ber ábyrgð á þessu!!!  Síðast í gær kom talsmaður vinnuveitenda og gerði DAVÍÐ ábyrgan fyrir því að samningar næðust á næstu dögum.  Við sem erum aðdáendur DAVÍÐS og söknum hans úr pólítíkinni skiljum þetta vel og væntanlega er þetta bara það að menn sakna DAVÍÐS úr eldlínu stjórnmálanna og setja traust sitt enn á ný á DAVÍÐ ODDSSON.  Það besta við þetta allt saman er samt það að DAVÍÐ líður vel í sviðsljósinu og er maður til þess að takast á við það.  Skrýtið en skemmtilegt þykir mér að hugsa til þess að hópur sprenglærðra hagfræðinga sitja sveittir við vinnu sína í bankanum en almenningur persónugerir allar aðgerðir Seðlabankans beint á DAVÍÐ ODDSSON enda er hann maðurinn sem þjóðin treysti best til þess að stjórna málum hvort heldur var sem formaður stærsta stjórnmálaflokksins, borgarstjóri allra landsmanna og forsætisráðherra þar sem hann sat manna lengst og sprengdi alla vinsældarskala sem til voru.  Höldum áfram að treysta DAVÍÐ ODDSSYNI , hann hefur sýnt að hann er traustsins verður.  Kóngurinn lengi lifi!!

Gísli Marteinn góður í Kastljósi

Horfði á Gísla Martein og Dag í Kastljósinu í kvöld og var bara nokkuð hrifinn.  Í fyrsta skipti síðan þessi borgarstjórnarmeirihluti var myndaður kom sjálfsöruggur Sjálfstæðismaður fram í fjölmiðli.  Upp á síðkastið hafa nefnilega sjálfstæðismenn sem gefið hafa færi á sér verið í bullandi vörn og látið pólitíska andstæðinga leika sér að þeim.  Fréttamenn hafa farið offari og sjálfstæðismenn látið bjóða sér það ítrekað.  Það virðist t.d. komið á einhverskonar hanaat í Kastljósnu þar sem Helgi Seljan og Sigmar hafa reynt að toppa hvern annan í dónalegri framkomu og lélegri og öfgafullri fréttamennsku sem ekkert skilur eftir sig.  Gísli Marteinn lét ekkert teyma sig í kvöld heldur svaraði fyrir sig á málefnalegan hátt án málalenginga.  Það sama verður ekki sagt um viðmælandann Dag B sem virðist fyrirmunað að svara einni einustu spurningu nema með furðulegum málalengingum og orðskrúði.  Þegar Dagur hefur lokið sér af við að svara spurningu eru flestir búnir að gleyma um hvað var spurt!!  Greinilegt að Sjálfstæðismenn í Reykjavík eru að ná áttum svo vonandi getur borgarstjórn öll nú snúið sér að verkefnum dagsins, stjórn borgarinnar.