Af hverju frestun skýrslu? Af hverju frestun atkvæðagreiðslu?

Það er farið að vekja athygli að nefndin sen er að gera skýrsluna um "hrunið og aðdraganda þess skuli frsta í sífellu birtingu hennar.  Nefndin heldur blaðamannafundi þar sem hún trekk í trekk ítrekar hversu svört skýrslan sé og hafi jafnvel valdið höfundum hennar þvílíku hugarangri að menn nánast bresti í grát.  Flestir harma þessa seinkun en þóekki okkar ástkæri fjármalaráðherra.  Hann virðist gleðjast þó hann fari pent með það en sér þó sóknarfæri í seinkuninni og tengir hana þjóðarátkvæðagreiðslunni sem hann vill meina að verði að fresta líka því almenningur þurfi að geta kynnt sér skýrsluna áður en hann greiði atkvæði um ICESAVE--já eða nei.  Þegar síðast fréttist  var skýrslan komin ´2000 síður, eg endurtek tvö þúsund síður.  Ætlast Steingrímur til að almenningur setjist yfir skýrsluna, lesi hana, og skilji hana og greiði svo atkvæði byggt á vitneskju sinni úr skýrslunni.  Hvaða rugl er þetta?  Fyrir stuttu síðan treystu hvorki Jóhanna né Steingrímur þjóðinni í þjóðaratkvæðagreiðslu um Icesave því það væri of flókið en nú skal þjóðinni treyst til að lesa og skilja 2000 síðna bálk sem vantanlega er ekki skrifaður á venjulegu mannamáli heldur byggð á fræðilegum útlistunum sem alls ekki allir eru færir um að skilja frá orði til orðs!!  Látum nú finna fyrir okkur, almenningur í landinu skal láta ríkisstjórnina standa við dagsetningu þá sem þegar hefur verið ákveðin og ekkert múður.