President Bush / Akranes

Stórkostlegt framtak fannst mér símaatið sem strákarnir á Akranesi framkvæmdu um síðastliðna helgi.  Reyndar skilst mér að númerið sem þeir hringdu í hafi gengið meðal unglinga og þeir sent þetta hvor öðrum með sms.  Reyndar fannst mér grínið fullkomnað þegar þessir 16 ára snillingar tóku stöð 2 í rassgatið og sendu annan strák í viðtalið.  Að horfa fyrst á stöð 2 og síðan fréttatíma RUV og sjá sitthvorn strákinn koma í viðtal undir sama nafni var frábært.  Ef þetta er merki um trúverðugleika fréttastöðvar stöðvar 2 þá þarf hinn nýji fréttastjóri að girða sig í brók.  Gaman væri að heyra í Steingrími varðandi málið.  Kannski ætti stöð 2 að biðjast afsökunar opinberlega eða í það minnsta óska strákunum til hamingju með blöffið.