Varist vinstri slysin!!

Ný ríkisstjórn tekin við, ríkisstjórn Samfylkingar og Vinstri grænna.  Plaggið sem forystumenn flokkanna sýndu í gær vitist heldur ómerkilegt.  Innantómt hjal um ekki neitt.  Hvar eru beinar aðgerðir til bjargar atvinnulífinu í landinu sem svo sannarlega er súrefnislaust og þyrfti á öndunarvél að halda.  Beinar aðgerðir til bjargar þeim sem eru að missa húsin sín (ég kalla það að missa húsin sín þó bannað sé að selja þau á nauðung tímabundið), atvinnulausir sjá enga glóru í þessum sáttmála.  Stærsta og nánast eina kosningamál Samfylkingarinnar, EB innganga og evru upptaka er hent í þingið og stjórnarandstaðan skal draga þá upp úr þeim forarpytti sem þeir voru komnir í.  Vinstri grænir orðnir valdagráðugir og tilbúnir í allskyns málamiðlanir hvað varðar EB og væntanlega flest annað bara ef þeir komast til áhrifa.  Ég fer ekkert í felur með það að mín skoðun er sú að þjóðstjórn með þáttöku aðila vinnumarkaðarins, lífeyrissjóða og fleiri aðila hefði verið eina raunhæfa leiðin til að skapa hér einhverja sátt, þjóðarsátt með þjóðstjórn.  Þessi nýja (gamla) ríkisstjórn fær enga 100 hveitibrauðsdaga hún er búin með þá og skal nú bretta upp ermar og láta verkin tala en ekki kaffæra þjóðina í bulli um að þetta og hitt sé að koma, sé jafnvel komið en fólk bara  fatti það ekki því það vanti kynningu á því.  Síðasta vinstri stjórn lifði ekki lengi og ég hef ekki trú á að þessi ríkisstjórn sitji út kjörtímabilið, en við skulum sjá. Athyglisvert að þessir flokkar sem kennt hafa sig við jafnrétti skuli ekki treysta sér til að mynda ríkisstjórn með jöfnu hlutfalli kynjanna ekki síst nú þegar konum hefur fjölgað svo á þingi að nálgast helming þingmanna.  Jafnrétti er bara í orði en ekki á borði en það er einmitt eins og svo margt hjá þessum flokkum. 

Varúð-vont veður-vinstri stjórn

Nú gengur norðan áhlaup yfir landið. Víðast hvar er skítakuldi, á sumum stöðum er jafnvel ófært og kolvitlaust veður á hálendinu.  Skyldi þetta vera viðvörun, viðvörun frá almættinu til okkar að framundan væri kuldi og aftur kuldi.  Nú þegar er algert frost hjá atvinnurekendum, háir vextir og óvirkir bankar ásamt hálfgerðri stjórnarkreppu hjálpa ekki til.  En það sem verra er er að framundan er ný vinstri stjórn og ekki má búast við neinum stórafrekum hjá komandi stjórn miðað við afrekaskrá þeirra á 100 dögum við stjórnvölinn.  Spennandi helgi framundan, ný stjórn tilkynnt væntanlega??.  Verð að viðurkenna að ég er svartsýnn á þessa svokölluðu vinstri stjórn því málefni sem þau eru ósammála um virðast vera fleiri en þau sem friður ríkir um.  Sjáum hvað setur.

Alltaf sama ruglið!!

Þetta er fréttamennska sem er okkur sem þetta lesum ekki samboðin.  Hvaða heimildir eru þetta??  Bölvað bull enda sést það á endurteknum sýningum að dómurinn er réttur.  Aðdáendur Liverpool verða að finna aðra skýringu á frammistöðu sinni en ranga dóma í leikjum MAN UTD.

 

Webb hefur viðurkennt mistök

Grey kallinn...

Gat enginn reddað kallgreyinu meiri pening!!

200 milljóna veð í sveitasetri

MANCHESTER UNITED EVRÓPUMEISTARAR 2008

Frábær árangur hjá stórkostlegu liði.  Að margra mati er þetta MU lið besta lið í sögunni hjá MU. Leikurinn í gærkvöldi frábær skemmtun þar sem bæði lið lögðu allt í sölurnar.  Heppnin var með okkar mönnum í kvöld ásamt dugnaði og elju ásamt óbilandi trú á að verkefnið myndi ganga upp.  Ekki þarf að fara mörgum orðum um stjórann, hann er orðinn ódauðlegur í hugum margra knattspyrnuáhugamanna nú er hann stýrir liðinu til sigurs í deildinni heima og svo Meistaradeild Evrópu, þetta gerir kallinn á sínu 22. ári hjá MU. Frábært--Glæsilegt.

Man. Utd Evrópumeistari

Áfram góðar fréttir úr herbúðum MAN.UTD.

Gaman að fylgjast með fréttum af meisturum UTD þessa dagana.  Mórallinn virðist vera frábær hvort heldur er hjá leikmönnunum sjálfum , þjálfarateyminu eða stjórnendum og eigendum allir virðast samtaka í því að stefna fram á við.  Alveg frábært og vonandi tekst vel til í Moskvu og svo spennandi sumar framundan í leikmannakaupum og fleiru.  Lifi Manchester United.

Ferguson kjörinn knattspyrnustjóri ársins

Frábær árangur hjá góðum dreng.

'Ólafur Stefánsson fagnaði sínum 3. Evrópumeistaratitli í dag, geri aðrir betur.  Það fór ekki fram hjá neinum sem fylgdist með leiknum í dag að Ólafur var einn besti maður leiksins og skoraði m.a. 12 mörk í leiknum.  Frábær árangur hjá liði sem tapaði fyrri leiknum á sínum heimavelli með tveimur mörkum svo ekki áttu margir von á þessum sigri spænska liðsins.  Ólafur Stefánsson til hamingju með titilinn en þess má geta að Ólafur og félagar hafa unnið allar keppnir á Spáni í vetur. Frábært.

Ólafur fagnaði Evrópumeistaratitlinum með stórleik

MANCHESTER UNITED MEISTARI 2008!!

Aldrei spurning myndu sumir seigja, og þó.  Spennan var næstum óbærileg lengi vel á meðan við vorum yfir 1-0 og fréttir bárust af því að Chelsea væri yfir 1-0 og ekkert mátti út af bregða.  Þá kom Ryan nokkur Giggs inn á í sínum 758. deildarleik fyrir MAN UTD og tók þetta á reynslunni og renndi boltanum í netið, öruggt 2-0.  Ekki skemmdi fyrir að Bolton jafnaði á móti Chelsea og meistaratitillinn´örugglega í höfn, mjög verðskuldað held ég.  MANCHESTER UNITED MEISTARI 2008.

Manchester United er enskur meistari 2008

Neytendasamtökin--þvílíkt bull og endemis vitleysa!

Neytendasamtökin birtu í gær tilkynningu varðandi könnun sem þeir framkvæmdu, svokallaða "neytendavakt".  Hið besta mál væntanlega eða hvað?  Nú skal hver dæma fyrir sig. 

 Neytendasamtökin gerðu könnun á leigu á sundskýlum, ég endurtek SUNDSKÝLUM. Verðmunur er heil 20% eða 60 króna munur á lægsta og hæsta verði, þar sem Íþróttamiðstöðin í Bolungarvík kom ódýrast út en Breiðholtslaug og Sundlaug Akureyrar voru dýrastar.

Íþróttamiðstöðin Árbær Bolungarvík  kr. 290.-   Sundhöllin Selfossi  kr.320.-   

Íþróttamiðstöðin Egilsstöðum            kr. 300.-   Sundlaugin Akureyri kr.350 .-            

Suðurbæjarlaug                                 kr. 300.-   Breiðholtslaug          kr.350.-

Neytendasamtökin eru stofnuð 1953, eru frjáls félagasamtök. Þau verja hag félagsmanna og berjast fyrir hagsmunum neytenda.

Jæja, ber þessi skoðanakönnun það ekki með sér að Neytendasamtökin séu virkilega að berjast fyrir hag neytenda.  Það skiptir væntanlega miklu fyrir heimilin í landinu að vita það hvar hægt er að leigja sér sundskýlu á hagkvæman hátt.  Það er gott að vita að maður geti skotist til Bolungarvíkur og leigt sér ódýra sundskýlu.  Ætti það kannski að vera baáttumál Neytendasamtakanna að leiguverð á sundskýlum verði tekið inn í lánskjaravísitöluna?  Allavega virðast samtökin telja að þessar upplýsingar komi félagsmönnum sér vel og reyndar landsmönnum öllum því auglýsing þessi birtist í blaðinu "24 stundir" í gær.  Ég þakka fyrir að hafa aldrei gengið í Neytendasamtökin því ekki kærði ég mig um að félagsgjöldunum mínum yrði eytt í aðra eins vitleysu og þessa könnun.

                                                                               

                                                   

 

 

 

 

 

 

 

 

 

 

 

 

Trukkarar brjóta stjórnarskrána!!

Ég get ekki orða bundist en takið eftir;

Stjórnarskráin íslenska  36.grein;  "Alþingi er friðheilagt" ennfremur ;

"Enginn má raska friði þess né frelsi"

Flautað við Alþingi