Spaugstofan skammist sín!!

Mér og minni fjölskyldu ofbauð virðingarleysi spaugstofumanna í gærkveldi algerlega og nú finnst mér tímapunkturinn kominn, gefum spaugstofunni frí. Það að gera veikindi nýja borgarstjórans að aðalskemmtiefni þáttarins er högg fyrir neðan beltisstað, algerlega út í hött.  Aðgát skal höfð í nærveru sálar eru orð sem menn þurfa ætið að hafa í huga.  Ólafur á fjölskyldu, Ólafur á börn , Ólafur á vini og það hlýtur að hafa verið hræðilegt fyrir þá sem standa honum næst að horfa upp á hvernig veikindin eru sett í forgrunn.  Ég hef verið aðdáandi spaugstofunnar lengi en nú lögðust þeir og lágt, alltof lágt.  Réttast væri að þeir bæðust afsökunar og færu svo í frí.. langa fríið.  Þátturinn var vel unnin eins og venjulega, gervin hrein listaverk en innihaldið sveið og nísti inn að hjarta að horfa upp á þetta.  Ekki sparka í liggjandi mann, það hefði verið af nægu að taka til að grínast með án þess að setja erfið veikindi í forgrunn.

Athugasemdir

[Áhorfandinn (IP-tala skráð) 27.1.2008 kl. 09:55]

Ég átta mig ekki á viðbrögðunum hjá þér.  Er eitthvað að Ólafi ?  Er Ólafur ekki opinber persóna sem skeiðar fram á vígvöllinn í þeim tilgangi einum að koma höggi á það starf sem unnið hefur verið sl. 100 daga í borginni ?  Ertu að gefa í skyn að Ólafur sé andlega sjúkur, haldinn einhverjum ranghugmyndum og "paranoju" og beri því að hlífa ?  Er það tilfellið ef svo er að Sjálfstæðismenn í borginni séu að misnota sér andleg veikindi einstaklings til að fullnægja valdagræðgi sinni ?   Ef Ólafur er ekki veikur þá er ekkert að því að gera smá grín að honum.  Ef ekkert er að Ólafi finnst mér að þú og þín fjölskylda ættuð að leita ykkur aðstoðar hjá fagfólki.  Það er ekki hægt að bjóða sjálfum sér og/eða öðrum uppá svona ranghugmyndir. 

[Sigurður Þórðarson, 27.1.2008 kl. 10:27]

Ólafur er ekki liggjandi maður. Þvert á móti er hann kominn til starfa.  Mér finnst það vera þér Jóhann til vansa að hleypa inn á bloggið þitt óþveraskap undir nafnleynd eins og hér er fyrir ofan frá "áhorfaninn".